FC ZHETYSU

Жаңалықтар

Айсұлтан Сейдахмет: "2016 жылы біздің лектің ойыншылары өздерін танытуы қажет"
13 Қаңтар, 2016
Айсұлтан Сейдахмет:
Бразилияда "Ботафого" академиясында түлегі, «Жетісу» КФК қосалқы құрамының футболшысы kazfootball.kz тілшілеріне, былтырғы маусымды қалай өткізгенін сұхбаттады

- Айсұлтан, Бразилиядан оралғаннан кейін Қазақстанда футбол ойнауды қалай жалғастырдыңыз?

 - Әрине, сәл қиындау болды. Бразилиядан келе салып, мындағы футболға бейімделу қажет еді. Оның үстіне ол жақта академия ішінде болсақ, енді мұнда үлкен футболға сіңісіп кету керек болатын. Елдің барлығы толықтай бізден үміт күтіп отыр. Бразилияда оқып келгенен кейін, бізге көбірек көз тігіледі. Біз оны жақсы түсіндік. Мен өз басым бірден келе сала өзімнің туған қаламның командасы "Жетісуды" таңдадым. Осында қосалқы құрамға алынып, жаттығуға кірістім.

 

- Қосалқы құрамдар жарысы сен үшін қалай өтті?

 - Чемпионат барысында алаңға 29-рет шықтым. Бұл өте жақсы көрсеткіш. Енді бұл межеде тоқтап қалмай, нәтижемді жоғарылатуға тырысамын. "Жетісудың" екінші командасының капитаны болсам деп ойлап жүрмін. Командада лидерлік қасиет көрсетіп, әріптестерді алға сүйреген жаныма жағады. Биыл біз бесінші орын алдық. Жаман көрсеткіш деп есептемеймін.

 

- Бразилиядан келген командалас, академиялас жігіттер қазір қайда?

 - Олар да тура мен секілді көптеген командалардың екінші құрамдарында жүр. Одан қалғандары бірінші лигада. "Бәйтерек" деген команданың намысын қорғап жүр. Араласып тұрамыз. Оларға да, келе салып бірден үлкен футболға аяқ басу қиынға соғып жатқан да шығар. Бірақ, 2016 - жыл біз үшін маңызды болуы керек. Біздің лектен жақсы футболшылар шығады деп сенемін. Биыл біз өзімізді көрсетуіміз қажет.

Біздің ақпараттық серіктестеріміз

© 2011-2018 Футбол клубы «Жетісу» Талдықорған
Сайт мәліметін пайдалануда авторға сілтеумен дерекнамаға сілтеме міндетті
© 2011-2018 Сайтты қолдау:
СИА «SPORTS.KZ»
Рейтинг@Mail.ru